CAGAYAN DE ORO CITY – Nagbalik yutang natawhan ang bag-ong kampeon sa IBF ug WBA world super bantamweight divisions nga si Marlon ‘The Nightmare’ Tapales sa lungsod sa Kapatagan,Lanao del Norte.
Kini human hatagi’g higayon sa iyang boxing promoter ang Pinoy boxer nga makauli sa ilang hometown diin unang naumol ang iyang pangandoy nga mahimong boksidor.
Gihimo ang pag-uli sa bag-ong Pinoy boxing champion gikan sa iyang pag-courtesy call ngadto kang Pres Bongbong Marcos kuyog usab si WBC bantamweight champion Melvin Jerusalem nga gikan sa lungsod sa Manolo Fortich,Bukidnon.
Gihatagan sa hero’s welcome si Tapales ug parada gikan sa Laguindingan Airport subay sa kadalanan sa Misamis Oriental pasulod sa Iligan City hangtod sa lungsod sa Kapagatan.
Sa pakigpulong ni Tapales,wala niya kalimti ang pagpaabot sa Ginoo nga may mga tawo nga gipadala niini aron maoy moagak kaniya alang sa pagsulod sa boksing.
Hisayrang maoy gipildi ni Tapales ang kampeon sa IBF ug WBA belts nga si Uzbekistan nga si t Murodjon Akhmadaliev sa Amerika sa miaging mga semana.
