CAGAYAN DE ORO CITY- Gisakmit sa Uni Writing Instruments ang premyong 120-mil pesos ug tropeyo sa 2019 Higalaay Festival Parade and Floats Competition ning syudad.
Kini human ang float sa maong kompanya ang dunay dayag nga mensahe sa kasaysayan ug kultura sa kagikan sa dakbayan nga gisundayag nila sa libuang katawhan.
Mismo si City Coun Jay Pascual,tourism committtee chairman sa konseho ang mihimo sa pag-anunsyo sa tulo ka major prize winners gikan sa walo ka competiting floats ning tuiga.
Nasakmit usab sa Support Zebra float ang 2nd place diin may premyo nga 90-mil pesos ug tropeyo sila nga nadawat.Nagsilbing 3rd placer usab ang Del Monte Philippines nga may gidawat nga 70-mil pesos ug tropeyo gihapon atol sa awarding ceremony.
Kabahin usab sa miapila sa parada si City Mayor Oscar Moreno,Vice Mayor Kikang Uy,mga konsehales ug dul-ag 140 ka contigents nga nagsugod sa Rodelsa Circle padulong sa Limketkai Mall kaganihang buntag.
Samtang gihatagan sa DepEd-Cagayan de Oro sa pag-ila ang napulo ka pampubliko ug pribadong mga tunghaan isip best ten marching bands.
Kini alayon sa ilang pag-apil sa 2019 Higalaay Festival Parade and Floats Competition ning syudad kaganihang buntag.
Mismo si DepEd’s City Division officer Jun Suaner ang nag-anunsyo kabahin sa mga tunghaan nga nagsilbing top 10 ang Liceo de Cagayan University;Gusa Regional Science High School;Cagayan de Oro National High School;Bugo National High School;Agusan National High School;Lumbia National High School;Misamis Oriental General Comprehensive High School;Lumbia National High School;Pedro Oloy Roa National High School;Saint Mary’s Academy of Carmen ug Lourdes College Integrated Basic Education.
