Gisaway sa grupong United People’s Initiative (UPI) ang gi-file nga impeachment complaint batok kang Presidente Ferdinand Marcos Jr. sa miaging Lunes. Namahayag si UPI Secretary General Capt. Rey Valeros Jr., sa Bombo Radyo nga usa lamang ka drama ang maong reklamo, tungod sa kakulangon sa substance ug lig-on nga basehan sa complaint batok sa pangulo. Gibutyag ni Valeros nga wala na sila matingala sa maong lakang, ilabi na nga ang mga nagpasaka sa impeachment complaint kaalyado ra gihapon sa administrasyon! Nagtuo ang grupo nga kabahin ra gihapon kini sa strategy sa administrasyon aron mabalanse kunuhay ang mga isyu sa nasud, kundiin, ang gobyerno, adunay napasakahan sa kaso batok korapsyon, ug aduna usab pribadong grupo nga nagpasaka’g kaso sa administrasyon mahitungod sa isyu sa kurapsyon.
