“Hindi kami kalaban ng gobyerno!” mao kini ang gibarugan ni United People’s Initiative President Brig. Gen. Atty. Virgilio Garcia taliwala sa iyang namatikdan nga mga elemento sa gubat sibil sa nasud ilabi na kalabot sa 13 ka kanhing marino.
Tungod sa maong sitwasyon, nanawagan ang retired AFP-JAGS nga opisyal sa katawhan nga makiusa sa ilang mga rally aron maipadangat sa gobyerno nga kadaghanan na ang wala nalipay sa kasamtangang sitwasyon.
Gipadayag usab niya nga kinahanglang magtarong ang gobyerno aron malinawong maabot sa tanan ang piniliay sa tuig 2028 alang sa bag-ong liderato.
Gawas pa niana, gipahayag sab sa kanhi heneral nga bisan ang mga igsoon nga Muslim gikan sa MILF ug MNLF kay nipakita na sa ilang suporta sa maong panawagan alang sa katarungan.
