Nagplano og panagtigom ang United People’s Initiative kauban ang mga retired generals sa umaabot nga Abril 27, sumala ni Retired Air Force MGen. Romeo Poquiz, convenor sa maong grupo.
Matod ni Poquiz, hisgutan sa kalihukan ang kontrobersiya kabahin sa 18 ka sundalo — 16 ka Philippine Marines ug 2 ka Philippine Army personnel — nga giatubang sa mga alagasyon batok sa dagkong opisyal sa gobyerno sa miagi.Iyang gipahayag nga porma kini sa “no‑holds‑barred” face‑to‑face meeting diin gawasnon ang mga retired generals, colonels ug ubang senior officers sa pagpangutana sa tanang isyu, may kalabotan man o wala sa ilang sinumpaang salaysay.
Dugang pa niya, lakip sa hisgutan ang alegasyon sa pagpadala og mga maleta ug kahon nga kuno puno sa kuwarta.
Gipadayag usab ni Poquiz nga andam ang mga nahisgutan nga kanhing sundalo sa pagtubag sa mga pangutana ug nagbarug sila nga kamatuoran ang ilang gipangpahayag.
Gilauman sa UPI nga ang mahitabong panagtigom makahatag og mas klaro nga impormasyon kabahin sa mga alegasyon sa korapsyon sa nasud.
