CAGAYAN DE ORO CITY – Mohimo’g unity walk ang naglangkob sa Northern Mindanao Federation of Transport Cooperatives o NOMFEDTRASCO batok sa mga senador nga nagpasar resolusyon nga masuspenso ang modernization program sa transporatsyon sa nasud.
Miingon si NOMFEDTRASCO chief executive officer Luzminda Escobidal nga nagmahay sila sa maong mga senador kay mas gipaboran pa ang mga tradisyonal operators kaysa nila nga nagsunod sa maong programa.
Siya miingon nga ipabati usab nila ang ilang kadismaya kabahin sa maong isyu.
Una nang midangop ang grupong PISTON ug MANIBELA sa senado aron ipalig-on ang ilang baruganan nga dili pa andam ang gobierno sa katibuk-an sa pagpatuman sa programang modernong transporatsyon.
Hisayrang 13 porsiento na lang sa jeepney operators ang wala nagpa-consolidate kaysa 87% nga misanong sa sugo sa national government pinaagi sa pagpangutang sa bangko aron magbaton sa transpo cooperative units.
