Nagsilbing eksplosibo ang unod sa flash drive ni Navotas City Rep. Toby Tiangco sa Senate Blue Ribbon Committee, karong buntag.
Unang namahayag si Tiangco nga kini nga flashdrive gidid-an nga ma flash sa gilusad nga budget hearing sa kamarabaha sa miaging adlaw.
Unod sa report sa magbabalaod ang sensitibong report kabahin sa kontrobersyal nga 2025 General Appropriations Act.
Gibutyag ni Tiangco nga ang sulod sa flash drive mao ang detalyado nga binilyong salapi nga gi-alokar ni Rep. Zaldy Co sa Ako Bicol Party-list ug sa BHW Party-list.
Anaa sa kapin P2.295 bilyon ang nadawat sa Ako Bicol ug P2.064 bilyon sa BHW, samtang si Co personal nga nakadawat sa P13 bilyon nga pondo nga gi-request sa DPWH alang sa flood control projects.
Ang maong mga proyekto gibutangan sa “For Later Release,” nga nagpasabot nga wala pa kini klarong lokasyon o deskripsyon sa budget documents.
Ang BHW Party-list nagrepresentar sa mga Barangay Health Workers o mga frontliners sa barangay level nga nagserbisyo sa panglawas, immunization, ug maternal care.
Ang kanhi representante sa BHW mao si Angelica Natasha Co, nga paryente ni Zaldy Co.
Gikwestyon karon sa mga mambabalaod ug publiko ang kadak-on sa pondo nga nadawat sa ilang grupo, ilabi na sa mga proyekto nga wala pa klarong detalye.
Mahinumduman nga wala gipakita ni Tiangco ang flash drive sa House Infrastructure Committee hearing sa miaging semana, tungod sa kakulang sa aksyon ug kakugi sa pag-imbestiga sa ilang han-ay.
