Gihimakak sa Israeli govt ang pahayag sa World Health Organization ug United Nations nga mibati’g grabe nga kagutom ang mga bata nga naipit sa gubat sa Gaza.
Namahayag si Israeli Citizen spokespersons’ Office Eylon Levy nga walay ‘famine’ o tumang kagutom sa Gaza tungod kay gabaha ang truckload sa mga pagkaon nga wala gipadagan sa UN sulod sa Northern Gaza.
Gilayon gipamatud-an sa kasundaluan sa IDF nga bakak ang pamahayag sa ahensya, tungod kay mismong mga trabahante sa UN ang nagdumili sa pagsulod sa grabeng apektadong lugar gumikan sa ilang kahadlok.
Apan gumikan sa hadla sa airstrike sa Israeli Defense Forces.
Gikastigo usab sa gobyerno ang report sa WHO nga gibabagan sa mga kasundaluan sa IDF ang dagkung trak nga karagdo sa mga supplies ug tambal alang padulong sa mga hospital.
Sa pagkutlo ning balita, gireport sa Qatari govt nga mibuwag na kini sa ilang peace channeling mission sa Hamas.
Wala pa mihatag detalye ang gobyerno sa Qatar.
Dugay nang gikondinar ni Israeli Prime Minister Benjamin Netanyahu ang delikado nga posisyon ang Qatari govt human nila gipaluyuhan ang Hamas organization nga deklaradong terror group sa international community. (Bombo Ann Quileste).
