Gipasiugda sa Carrasco and Geñoso Law Office ang importansya sa “Right to the Medical Record” aron mahibal-an sa publiko nga adunay sila katungod sa pagkuha sa ilang medical records.
Sa pakighinabi sa Bombo Radyo, giingon ni Atty. Angielene Marie Geñoso nga ang pasyente mahimong mangayo ug kopya niini alang sa personal o legal nga paggamit.
Bisan ang ospital maoy nagkupot sa pisikal nga dokumento, ang sulod o impormasyon niini iya gihapon sa pasyente. Ang sensitibong impormasyon sama sa psychiatric notes mahimo lamang makuha sa pasyente o sa laing tawo nga adunay Special Power of Attorney (SPA) nga nagpakita og klarong pagtugot. (Phillip Ariata)
