Gipasabot ni Atty. Angielene Marie Geñoso sa Carrasco and Geñoso Law Office nga ang pasyente adunay katungod sa pagpili sa iyang doktor ug health facility, nga gitawag og “The Right to Choose Physician and Health Facility.”
Pwede mopili ang pasyente sa doktor basta mosunod sa balaod sa ospital ug naa sa availability ang maong doktor, ug pwede usab siya mangayo og second opinion bisan human na siya nagpakonsulta.
Matod pa niya, pwede usab magpa-transfer ang pasyente sa laing ospital basta kabalo siya sa posibleng medical risks, dili kini makadaot sa public health, ug masunod ang hustong proseso sa ospital.
Gipatin-aw kini aron masabtan sa katawhan ang ilang katungod, ilabi na sa mga isyu sa ospital nga kasagaran walay klarong impormasyon ang pasyente. (Phillip Ariata)
