CAGAYAN DE ORO CITY, Philippines– Dili uyon ang pipila ka Law School professor kabahin sa rekomendasyon sa National Bureau of Investigation o NBI nga kasuha’g grave threat si Vice President Sara Duterte.
Tungod kini sa pasangil sa NBI nga delikado ang hulga ni VP Sara nga ipapatay sila Presidente Ferdinand Marcos Jr., First Lady Liza Araneta ug House Speaker Martin Romualdez.
Gibutyag ni Atty. Ramon Esguerra, Law Professor sa University of the Philippines nga dili mabutang nga grave threat ang paghulga ni VP Sara sa mga tag-as nga opisyal sa nasud gumikan kay conditional ang gihimong bahad niini ug igo lamang siya mitubag sa pangutana sa media.
