CAGAYAN DE ORO CITY, Philippines (UPDATE) – Misaka pa sa upat ka tawo ang patay sa mass shooting sulod sa tunghaan sa Apalachee High School, sa Barrow County, Georgia.
Tungod sa hitabo, gipatawag ni US President Joe Biden ang Homeland Security Advisor, Liz Sherwood-Randall aron hatagan sa seguridad ang gi-atake nga tunghaan ug aron makigkoordinar sa lokal nga mga otoridad kung unsa ang hinungdan sa duguong insidente.
Mipadangat sa pahisubo si Presidente Biden ug ang iyang kapikas sa pamilya sa namatyan.
Misaad ang presidente nga hatagan sa hustisya ang pagkamatay sa mga biktima.
Una nang gikompirmar ni Georgia Gov. Brian Kemp ang pagpamusil nga mikutlo sa duha ka tawo ug pag-airlift sa ilang patay’ng lawas.
Hinoon, anaa na sa kustodiya sa Barrow County Sheriff’s Office ang armadong suspek.
