Gisalikway sa KorteSuprema ang petition for certiorari ni Cezarah Rowena C. Discaya nga mi-kontra sa probable cause finding sa Office of the Ombudsman batok kaniya mahitungod sa paglapas sa Section 3(e) sa Republic Act No. 3019 o ang Anti-Graft and Corrupt Practices Act, ug sa kasong malversation pinaagi sa pagpeke sa mga publikong dokumento.
Matod sa Korte, “moot” na ang petisyon human mopasaka og mga kaso ang Ombudsman batok kang Discaya sa Regional Trial Court. Nagpagawas na pod ang RTC og warrant of arrest batok kang Discaya.
Wala mapamatud-i ni Discaya nga apil sa mga exception ang iyang sitwasyon, sama sa pagprotekta sa iyang konstitusiyonal nga mga katungod, pagpatuman sa hapsay nga pagpadagan sa hustisya, o kung wala’y basihan o gawas sa otoridad ang pagpasaka sa kaso.
Pahinumdum sa Korte Suprema, eksklusibong trabaho sa mga prosecutor ang pagsusi sa probable cause sa preliminary investigation. Isip patakaran, dili manghilabot ang mga korte. Matod pa sa Korte Suprema, suportado sa ebidensiya ang finding sa Ombudsman.
Ang kaso naggikan sa reklamo nga gipasaka ni DPWH Secretary Vivencio B. Dizon batok kang Discaya ug sa pipila ka mga opisyal sa DPWH Davao Occidental District Engineering Office. Mahitungod kini sa pagtukod sa usa ka concrete revetment sa Culaman, Jose Abad Santos, Davao Occidental, nga gihatag ngadto sa St. Timothy Construction Corporation (STCC), nga gitag-iya ni Discaya. Miingon si Secretary Dizon nga nailad ang gobyerno sa dihang gidawat sa STCC ang kinatibuk-ang bayad sa kontrata nga mokabat sa PHP 96.5 milyon bisan og wala pa matapos ang proyekto.
Basaha ang press briefer sa https://sc.judiciary.gov.ph/?p=163046.
