Hugot nga gibantayan karon sa grupong United Peoples Initiative (UPI) ang mga miyembro sa mayorya sa Senado tungod sa taho nga adunay mikombinsi kanila nga mubalhin ngadto sa minoriya.
Sumala ni Captain Rey Valeros Jr., secretary general sa maong grupo, nakasinati na og grabeng pressure ang mga senador nga anaa sa mayorya kung sila ba mubalit‑ad sa ilang baroganan kabahin sa impeachment batok kang Vice Presidente Sara Duterte.
Gipasabot usab ni Valeros nga dili na kini ikatingala kung adunay muawhag sa mga senador nga mubalhin og baroganan tungod kay klaro nga ang mga senador nga ubos sa mayorya kaalyado sa mga Duterte.
Bisan pa niini, naglaum si Valeros nga magpabilin nga patas si Senate President Alan Peter Cayetano sa pagdungog sa bahin ni Vice Presidente Sara Duterte sa mahitabong trial.
