Posibleng adunay mga swing votes sulod sa bag-ong komposisyon sa liderato sa Senado sumala ni Retired BGEN. Virgil Garcia, presidente sa United People’s Initiative o UPI, ilabina nga hapit patas ang ihap sa mayorya ug minorya.
Matud ni Garcia, makita karon ang 13-11 nga porma sa Senado diin adunay posibilidad nga adunay mga senador nga mopabor sa demokrasya ug patas nga pagtan-aw sa mga isyu.
Una niini, iyang giingon nga adunay mga lihok gikan sa minorya nga gusto dayong mapahamtangan og silot si Vice President Sara Duterte bisan wala pa matimbang pag-ayo ang tanang ebidensya nga mahimong ipresentar.
Dugang pa niini, iyang gilaraw nga ang padayon nga pagpasaka og mga kaso batok sa pipila ka mga senador sa mayorya mahimong kabahin sa pagsulay nga mausab pag-usab ang balanse sa gahum sulod sa Senado.
Busa, iyang gipasabot nga nagpabilin gihapon ang kinahanglanong gidaghanon nga 16 ka boto aron adunay mahitabo nga conviction ug dili kini dayong mausab bisan adunay mga kasong giatubang ang ubang senador.
