Giawhag ni Captain Rey Valeros sa United People’s Initiative o UPI ang kampo sa depensa nga mag-walkout na sa impeachment trial ug molahos sa Korte Suprema tungod sa tataw nga pattern sa tanim witness nga ginagamit sa prosecution aron dauton ang Bise Presidente.
Sumala kay Valeros, kwestyonable ang kredibilidad ni kanhi police officer Rodulfo Gracioso Jr. tungod sa kadaghang kaso nga giatubang niini ug sa nagbalik-balik nga pattern nga gipaluyohan kuno ni kanhing Senator Antonio Trillanes IV.
Tungod niini, gidala una ang nahisgotan sa NBI alang sa imbestigasyon samtang wala pa gidesidyohan sa impeachment court kon dawaton ba kini nga opisyal nga witness sa kaso.
Tungod sa gihulagway nga klarong pagpanudlo ug bakak sa prosecution, gipasiugda sa grupo nga mas maayong ipaubos na lamang sa labing taas nga kapunongan sa hustisya ang pagdesisyon bahin sa giingong isyu
