Walay gikahadlokan ang pundok sa United People’s Initiative bisan pa man sa ilang pagka aktibo sa mga protesta, sumala pa ni Capt. Rey Valeros Jr., ang Secretary General sa sa maong pundok.
Gipahayag sa maong opisyal nga dili sila mahadlok sa mga posibleng kiha o pagkapriso gumikan kay ang ila lang gipaniguro mao ang pagpadayag sa kamatuoran.
Hinungdan nga giisip nila ang korte isip ilang nagsilbing battleground aron didto na lamang nila iduso ang ilang mga argumento ug mapamatud-an kung kinsa ang tinuod nga naglihok subay sa legalidad.
Tungod niini, gipasalig ni Capt. Valeros nga ang tibuok pundok sa UPI andam gayud sa bisan unsang mahitabo samtang padayon silang nagbarug alang sa ilang kawsa.
