CAGAYAN DE ORO CITY – Naperhisyo sa laing higayon ang daghang mga residente sa pipila ka brgy epekto sa urban flooding nga miigo sa dakbayan.
Kini resulta sa mga pagbundak sa kusog nga ulan nga epekto sa localized thunderstorm nga nagpasulabi sa dakong bahin sa Mindanao.
Gikompirmar usab ni CDRRMD head Nick Jabagat nga nakatala sila’g pipila ka pagdahili sa yuta gumikan sa grabeng mga pag-ulan apan gisuta pa kon adunay mga pamilya nga apektado niini kagahapong adlawa.
Kabahin sa mga giigo sa pagbaha ang porsyon sa Brgy Bugo,Brgy Camaman-an ingon man sa highway sa Brgy Kauswagan ug Brgy Carmen sa dakbayan kagahapong adlawa.
