CAGAYAN DE ORO CITY – Mi-subay sa istriktong health protocol ang mga police nga mi-responde sa nakit-ang patay sulod sa iyang puy-anan sa Santo Nino Brgy Lapasan ning syudad.
Kini human unang gikabani-og nga naigo sa COVID-19 ang biktima nga US citizen nga si John Mark Perete,64 anyos temporaryong nag-abang sa maong lugar.
Gibutyag ni Lt Macario Linog Jr,deputy commander sa Agora Police Station nga gikan nag-inom-inom ang biktima samtang milakaw una ang iyang kaipon nga si Apple May Cepeda tungod sa ilang paglalis.
Miingon si Linog nga nagbaton usab sa sakit sa kasingkasing ang biktima ug wala sila’y nakit-ang foul play sa ilang inisyal nga pakisusi.
