CAGAYAN DE ORO CITY – Walay nakit-ang foul play sa kamatayon sa American national nga kalit nawad-an sa sa panimoot samtang anaa sulod sa confort room sa ilang pinuy-anan sa Zone 10,Barangay Bulua ning syudad.
Giila ni City Police Director Col Aaron Mandia ang biktima nga si Joe Riddick Wiggins,79 anyos,minyo ug lumad nga taga-North Carolina,USA apan kasamtangang nagpuyo ning syudad.
Gisaysay ni Mandia ngadto kang Police Regional Office 10 Director Brig Gen Benjamin Acorda Jr nga subay sa inisyal nga pakisusi,mismo ang amo sa magtiayong Joe ug Jane Bollozos Wiggins ang nakabantay sa hitabo hinungdan nga paspas kini gi-respondehan sa mga otoridad.
Gilayong nakatawag ang kapikas sa biktima sa US Embassy ug nangayo usab kini’g tabang sa dakbayan aron luwason ang kinabuhi niini.
Apan paghidangat sa mga personahe sa Bulua Police Station 7 ug Scene of the Crime Operatives 10,wala na’y ilhanan nga buhi pa ang biktima.
Nasuta nga maglima ka adlaw na kining dili makapagawas sa iyang hugaw sa lawas ug sunod-sunod usab ang pag-inom niini sa usa ka energy drink.
Gitakda pa gihapon nga ipaubos sa otopsiya ang patay’ng lawas sa biktima alang sa dugang plano sa kabanay niini.
