CAGAYAN DE ORO CITY, Philippines – Nabahin ang reaksiyon sa mga magbabalaod sa Amerika sa labing unang joint session sa US Congress ug Senado nga gitambungan ni US President Donald Trump.
Sa iyang speech, unang gipasidunggan ni Trump si Elon Musk, kinsa responsabli sa pagsipa sa mga kapin-kun kulang 200,000 federal workers tungod sa pagsilbing probationary, inotil nga performance sa trabaho, ug redundancy.
Si Musk maoy mihawid sa Department of Government Efficiency task force (DOGE), kinsa gitahasan ni Trump nga musukod kung bilinhon ba ang usa ka ahensya o programa ubos sa iyang administrasyon.
Mahinumduman nga nadiskobrehan ni Musk ang kontrobersyal nga pagpondo sa USAID nga mubalor 60 Billion US dollars ug gitawag ang mga naghawid sa ahensya nga mga incompentent.
Subay sa kasaysayan sa Amerika o sulod sa 61 ka tuig ang nakalabay, si Trump pa lang ang unang presidente nga nagbaton sa pinakataas nga speech nga milungtad sa usa ka oras ug 40 minutos.
Nakadawat si Trump sa 123 ka pakpak, ug 103 ka standing ovations.
