Gi-anunsyo ni United States Secretary of Energy Chris Wright nga ang Washington mupadayon sa direktang pagkontrolar sa pagbaligya sa lana sa Venezuela ug sa kinitaan niini sa walay katapusang panahon.
Tumong sa maong lakang ang pag-usab sa political ug economic landscape sa nasud human mapahawa sa puwesto si kanhi Presidente Nicolás Maduro.
Gipahayag ni Wright nga sugdan ang plano pinaagi sa pagbaligya sa krudo nga dugay nang na-imbak sa Venezuelan storage tungod sa mga sanksiyon, ug ipadayon ang umaabot nga produksiyon ayha ipamaligya sa merkado sa Amerika, sa mga refinerya, ug sa tibuok kalibutan.
Gipamugos ni Wright nga ang proseso gituyo aron masiguro nga magpadayon ang pag-agos sa lana imbes nga mapugngan, samtang ang U.S. magpabilin nga adunay kontrol sa kita aron masuportahan ang mga reporma ug matabangan ang pagtukod pag-usab sa nagkadaot nga imprastruktura sa lana sa Venezuela.
