Gi-anunsyo ni Department of Homeland Security (DHS) Secretary Markwayne Mullin nga mukanaug na sa puwesto si acting ICE director Todd Lyons sa Mayo 31.

Si Lyons milingkod isip acting director sa ICE niadtong Marso 9, 2025 pinaagi sa pagtudlo ni Presidente Donald Trump.

Sa iyang testimonya sa Kongreso, gipangutana siya bahin sa daghang pagkamatay sa ICE detention ug plano sa pagpalapad sa kapasidad sa pagpangpriso.

Napakyas si Lyons sa pagkombinsir ug paghatag justification sa ilang raid, hinungdan nga nabulit sa baga nga ihap sa mga kritisismo gikan sa mga magbabalaod ug agresibong cause oriented groups.

Ang mga Democrats nangayo sa reporma human sa insidente sa Minneapolis diin duha ka U.S. citizens gipusil sa federal agents.

Apan ang mga Republikano misupak, hinungdan nga ang DHS shutdown nagpadayon sulod sa duha ka bulan.