Naka-depende karon sa US Midterm Elections ang kaugmaon sa panggobyerno ug ang dagan sa mga balaod sa Estados Unidos.
Segun ni Bombo International News Correspondent sa Washington D.C. nga si Jimboy Chaves sa iyang interbyu sa Bombo Radyo, dako ang epekto sa maong piniliay tungod kay pilian man ang 435 ka seats sa House of Representatives ug 35 ka seats sa US Senate.
Dugtong pa sa correspondent nga ang mogawas nga resulta maoy magdeterminar kon kinsa nga partido—sa taliwala sa Democrats ug Republicans—ang mag-gunit sa kontrol sa pag-aprobar sa spending budget ug mga nasudnong balaod.
Gumikan niini, gitumbok usab nga dakong timailhan ang maong election sa pagsukod sa popularidad sa pamunoan ni US President Donald Trump taliwala sa ningsaka nga presyo sa mga palaliton karong panahona
