CAGAYAN DE ORO CITY, Philippines – Wala tubaga ni United States National Security Advisor Jake Sullivan ang pangutana sa prensa kalabot sa kabalaka sa Chinese Government sa musulod nga bag-ong gobyerno sa pagka Nobyembre.
Mitin-aw si Sullivan nga wala silay nakuhang report kalabot sa kabalaka sa langyaw’ng nasud apan, mitin-aw si Sullivan nga kinahanglan dawaton sa China ang mga kabag-uhan nga ipatuman sa musunod nga administrasyon.
Kahinumduman nga kanunay ang nagpasidaan ang Chinese Foreign Ministry sa White House nga badlungon ang US Military sa pagsupply sa mga dagkung armas igugubat sa mga tensyonadong nasud sama sa Pilipinas, ug Taiwan.
Sa miaging Abril, gikondinar sa China ang labing lapad nga Balikatan Exercises nga gipatuman sa Pilipinas ug gi-apilan sa 16 ka mga nasud.
Sa maong kalihukan, milusad sa land, air, ug maritime exercises ang US Forces, Pilipinas, Australia, Japan, ug South Korea sa gikan sa Palawan padulong sa kinatum’yan nga bahin sa West Philippine Sea nga sulod pa sa Exclusive Economic Zone (EEZ) sa Pilipinas.
Sa pikas bahin, mipasalig usab si US Secretary of State Anthony Blinken nga muabag sa panginahanglang depensa sa Taiwan ug ipadayon sa China ang maritime provocations sa Taiwan Strait.
