Personal nga gisaksihan ni United States Presidente Donald Trump ang sa men’s finals sa US Open sa Arthur Ashe Stadium sa Queens, New York, kaganinang kadlawon.
Ang finale round gidula tali nila Carlos Alcaraz ug Jannik Sinner.
Sa iyang pagpakita, nabahin ang reaksiyon sa katawhan human daghan ang mipakpak ug lapad usab ang nagpalanog sa ilang dismayadong “boo”.
Hisayran nga daghan sa mga fans ang naperwisyo sa pagsaksi sa pinal nga hugna kay mipatuman sa grabe ka istrikto nga security protocol ang korte.
Kini ang rason nga na “delay” ang pagsugod sa dula sa kapin usa ka oras. Lakip sa kauban ni Trump ang tibook niya pamilya ug mga opisyal sa White House.
Una niini, wala na gipunting sa camera ang lugar kung asa nahimutang si Trump ug iyang gabinete aron malikayan ang mga kagubot sa coverage.
