Gisugdan sa hukbong dagat sa Pilipinas ug Estados Unidos ang Multilateral Maritime Event (MME) isip usa ka hinungdanong bahin sa gihimong Exercise Balikatan 40-2025.
Ang military exercise nagpunting sa pagpahapsay sa interoperability ug koordinasyon tali sa mga kaalyadong nasod sulod sa archipelagic waters sa Pilipinas, gikan sa palibot sa Subic Bay hangtod sa Northern Luzon Joint Operational Area.
Ang Exercise Balikatan 40-2025 naglakip sa 17,000 ka tropa ug mga sundalo gikan sa Japan ug Australia.
Ang pagbansay naglakip sa Integrated Air and Missile Defense, Counter-Landing Live Fire Exercise, ug maritime strike nga ipahigayon sa Zambales sa Mayo 5, diin motambong si Presidente Ferdinand Marcos Jr.
Dugang pa, 19 ka mga nasod ang nagpadala sa mga tig-obserbar, lakip ang Netherlands, Czech Republic, Lithuania, ug Poland.
Kini nga ehersisyo nagpakita sa lig-on nga alyansa tali sa Pilipinas ug Estados Unidos, ug nagpalig-on sa regional security ug interoperability sa mga kaalyadong nasod.
