
Gipahibalo ni United States President Donald Trump ang usa bag-ong makasaysayang kasabutan sa pamatigayon tali sa Estados Unidos ug Pilipinas human sa iyang miting kauban si Presidente Ferdinand “Bongbong” Marcos Jr.
Sa iyang post sa social media karong Miyerkules, Nobyembre 18, mipahayag si Trump nga mahimong dakong tabang ang maong kasabutan, partikular sa mga mag-uuma ug mga anaa sa sektor sa enerhiya sa Amerika.
Gihulagway kini ni Trump isip “true landmark” ug miingon nga nakabaton sila ni Marcos og maayong panag-istoryahanay bahin sa pamatigayon, nasudnong seguridad ug uban pang hisgutanan.
Gidayeg usab ni Trump si Marcos ug gitawag niya kining usa ka gamhanan ug dunay taas nga integridad nga lider. (raniel mahunyag)




