US President Trump, bukas sa posibilidad sa pag-atake batok sa Iran human sa midterm elections

Mipahayag si U.S. President Donald Trump nga posible ang dugang nga pag-atake sa militar sa Estados Unidos batok sa Iran human sa midterm elections sa Nobyembre 3, 2026, sa dihang nangutana ang mga tigbalita bahin niini.

Samtang, ang datos sa Pentagon kay nagpakita nga milapas na sa $47 bilyon ang nagasto sa militar sa Estados Unidos sa gubat sa Iran, kapin sa 25 porsiyento nga mas taas kaysa sa banabana nga $37.5 bilyon sa Departamento sa Depensa niadtong bulan sa Hulyo.

Ang pagsaka sa gasto sa gubat nagdugang sa politikanhong presyur sa mga Republikano samtang nag-atubang sila sa eleksiyon nga magtino kon kinsa ang mokontrol sa Kongreso sa sunod nga duha ka tuig.

Gilauman usab nga makigkita si Trump kang Presidente Xi Jinping sa China atol sa iyang umaabot nga panaw sa Asya, diin posibleng hisgotan ang denuclearization, bisan giila kini ni Trump nga lisod makab-ot tungod kay aduna usab mga armas nga nukleyar ang ubang mga nasud. (raniel mahunyag)