US President Trump highlights the strengthening US-Philippines alliance, discussing expanded cooperation in energy, defense, and a $5B arms deal. Read more!

Gipasiugda ni US President Donald Trump ang kalig-on sa alyansa tali sa Estados Unidos ug Pilipinas ug ang iyang tinguha nga palapdan pa ang kooperasyon sa duha ka nasud sa sektor sa enerhiya, ekonomiya ug depensa.

Gipahayag kini ni Trump atol sa iyang bilateral meeting kang Presidente Ferdinand Marcos Jr. sa Malacañang niadtong Miyerkules, Nobyembre 18, 2026.

Matud ni Trump, ang Estados Unidos mao ang nag-unang prodyuser sa lana ug natural gas sa kalibutan, ug gikonsiderar niini ang Pilipinas isip posibleng kauban sa giplanong proyekto sa pag-eksport sa natural gas gikan sa Alaska aron makasuplay og mas barato ug abunda nga enerhiya sa mga kaalyado niini sa rehiyon sa Pasipiko.

Gihisgutan usab ni Trump ang posibilidad sa pakigtambayayong sa Pilipinas alang sa unang modernong proyekto sa sibilyang nukleyar nga enerhiya sa nasud pinaagi sa paggamit sa teknolohiya sa Estados Unidos, samtang gipadayag usab niya nga giaprobahan na sa Washington ang pagbaligya sa mga armas nga mokabat sa kapin sa lima ka bilyong dolyar ngadto sa Pilipinas. (raniel mahunyag)