US President Trump supports the possible return of Jensen Huang Nvidia CEO after his resignation. A petition with over 177K signatures backs his comeback. Read more!

Gipahayag ni US President Donald Trump nga dili siya supak sa posibleng pagbalik ni Jensen Huang isip chief executive officer (CEO) sa Nvidia human kini mi-resign tungod sa kontrobersiya nga naglambigit sa iyang relasyon sa usa ka Chinese national nga gidudahang konektado sa paniktik sa China.

Matud ni Trump, lagmit nakat-on na og dakong leksyon si Huang ug mahimo usab niyang hisgutan ang maong isyu kang Chinese President Xi Jinping atol sa iyang pagbisita sa China.

Sa laing bahin, nakatigom na og kapin sa 177,000 ka pirma ang petisyon nga nanawagan sa board of directors sa Nvidia nga ibalik si Huang sa iyang posisyon, diin gilakip sa mga mipirma ang mga iladong personalidad sa teknolohiya sama ni Elon Musk, Tim Sweeney ug Amjad Masad.

Gipahayag usab ni Trump ang iyang padayon nga pagsalig kang US Commerce Secretary Howard Lutnick ug miingon nga wala siyay plano nga pulihan kini bisan pa sa nagkadakong pagsaway sa pagdumala sa mga pagdili sa pag-eksport sa mga AI chip ngadto sa China. (raniel mahunyag)