All set na ang pagtagbo ni United States President Donald Trump kang Russian President Vladimir Putin ning adlawa, didto sa Alaska.
Makasaysayanon kini alang kang Putin kay kini pa ang iyang labing unang higayon nga makabisita sa Alaska sukad nga nabaligya kini sa Estadus Unidos gikan sa Russia sa tuig 1867.
Magpulong ang duha ka lider sa Anchorage alang sa usa ka summit nga maghisgot sa mga lakang aron ma-angkon ang kalinaw Russia-Ukraine.
Nagdala sa dakung simbolismo ang pagpili sa Alaska kay 15 na ka dekada ang nakalabay o 158 ka tuig sukad gibaligya sa Russian Empire ang maong nasud sa kantidad nga $7.2 milyon.
Hisayran nga sa paglabay sa panahon, napuslan ug maayo sa Amerika ang pagpalit sa Alaska kay nahimo nila kining estratehikong lugar sa depensa labi na sa panahon sa Cold War.
Himoon ang pulong sa Joint Base Elmendorf-Richardson, usa ka military facility sa Anchorage.
