CAGAYAN DE ORO CITY, Philippine – Gibasol sa mga negosyante ang CrowdStrike human milusad sa depektoso nga software update alang sa Microsoft Windows.
Kini ang rason nga nakasinati sa global IT outage, kagahapon.
Ang outage mi-apektar sa mga organisasyon sa tibuok kalibutan, nga nakabalda sa mga airline, bangko, ug negosyo.
Ang isyu nagsumikad sa usa ka depekto sa pag-update sa sulod software sa kompyuter sa Windows.
Gi-angkon sa CrowdStrike ang gi-atubang nga suliran ug mipasalig nga dili kini usa ka matang sa cyberattack.
Hisayran nga tungod sa outage, nalangan ug nakanselar ang daghang flights sa lainlaing mga nasud.
Ang nasud sa Alaska nakahiagom sa ‘major delays’ sa pagtunol sebisyo sa ilang call center tungod sa outage.
Bisan kung adunay magamit nga software sa pagmakuli sa depekto, daghan gihapon aplikasyon sa negosyo ang nag-atubang sa mga pagkabalda.
Ang CrowdStrike nagserbisyo sa 60% nga ihap sa Fortune 500 companies, laing katunga sa Fortune 1,000 ang ilang kliyente.
Mius-os ang presyo sa stock sa kompanya tungod sa insidente.
