Viral na ang video footage nga gipakatag sa United States Southern Command sa social media. Kini nagpakita sa pinakabag-ong pagkumpiskar sa usa ka tanker nga misulay pagsupak sa naval blockade sa US batok sa lana nga gikan sa Venezuela. Sumala sa Homeland Security chief Kristi Noem, ang barko nga “Olina” giila isip “ghost fleet” tanker nga gituohang nagdala sa embargoed oil. Kini nga barko mao na ang ikalima nga nakumpiska sa mga puwersa sa US sa miaging mga semana.
