Nagpasumbingay si United States President Donald Trump nga posible niyang konhuran ang presensya sa tropang Amerikano sa Spain ug Italy, human sa iyang pormal nga pag-anunsyo nga iyang minusan ang US Troop sa Germany.
Miingon si Trump nga wala makatabang ang duha ka nasud sa panahon nga nanawagan kinig augmentation force sa panahon nga iyang gi-giyera ang Iran.
Iyang gisaway si German Chancellor Friedrich Merz, tungod sa iyang teribli nga performance.
Subay sa iyang post sa Truth Social, si Trump miingon nga ang iyang desisyon sa Germany gilayon niyang ipatuman.
Si Merz, sa laing bahin, misulay sa pagpaubos ug misaad nga iyang personal nga hinabion si Trump aron matul-id pa ang ilang maayo nga personal nga relasyon.
