CAGAYAN DE ORO CITY – Gihulatan sa katawhan sa Amerika kon unsaon pagpatuman ang balaod kabahin sa mga giatubang nga kaso ni kanhi United States Pres.Donald Trump.
Kini human pabori ang hangyo sa kampo sa kanhi presidente nga magpabilin ang iyang presidential immunity nunot sa official functions niini bisan wala na sa katungdanan.
Miingon si Texas-based Bomb International News Correspondent Nikko Duterte nga bisan sila ang excited kon sa unsa nga paagi magamit ni Trump ang gihatag nga pabor sa korte suprema kaniya.
Dumduman nga gitahasan sa korte suprema ang lower courts diin dunay mga kaso si Trump nga sila ang mosulbad niini samtang nahatag ang partial presidential immunity ngadto kaniya.
Hisayrang sa botasyon sa petisyon sa kampo ni Trump,unom sa mga mahistrado ang pabor ug tulo lang ang supak gikan sa korte suprema sa federal govt sa Amerika.
