Sunod semana, sgod Lunes, gideklarar ni Iligan City Mayor Fred Siao ang class suspension pinaagi sa Executive Order No. 11, s. 2026.
Sakop niini ang suspensyon sa klase sa tanang lebel, sa publiko ug pribadong eskwelahan, hangtod Pebrero 13, 2026.
Ang desisyon gibase sa epekto sa Bagyong Basyang, nga nagdala ug kusog nga ulan, pagbaha, ug landslide sa rehiyon.
Ang EO nagtinguha nga maprotektahan ang kaluwasan sa mga estudyante ug magtutudlo, samtang ang mga ahensya sa gobyerno ug lokal nga disaster response teams nagpadayon sa relief operations ug pagtabang sa mga naapektuhan nga pamilya.
Unang namahayag ang CDRRMO-Iligan nga preventive measure kini aron malikayan ang dugang nga risgo sa panahon nga padayon pa ang epekto sa bagyo sa Iligan ug kasikbit nga mga lugar.
