CAGAYAN DE ORO CITY, Philippines – Duha ka potensyal nga bagyo ang gibantayan sa Bombo Weather Center nga posibleng musubay sa gi-agian sa Bagyong Ferdi.
Kung musulod sa Philippine Area of Responsibility ang unang bagyo nga anaa sa Luzon posible kining tawgon isip Bagyong Gener. Samtang ang usa pa ka Bagyo nga anaa sa Guam, oras nga musulod sa PAR, tawgon kining Bagyong Helen.
Hinoon kining duha ka dautang panahon wala pa’y direktang epekto sa nasud tungod kay ang Monsoon Rains dala sa Habagat maoy gapaulan sa northern portion sa Palawan, Occidental Mindoro, Aklan, Antique, ug Negros Occidental.
Samtang ang Trough sa LPA ang mupaulan sa Cagayan ug Isabela. Kining Low Pressure Area nga ulahing nasiplatan sa gilay-ong 460 km East sa Casiguran, Aurora, maoy tawgong Bagyong Gener oras nga mukusog pa ang dalang hangin niini duol sa mata, pasulod sa PAR.
Sa Regional Forecast:
Ang syudad sa Cagayan de Oro makatagamtam sa 54% chance of rain sa hapon o gabie apan dili lahutay. Lauman ang panagsang pagdag-um sa kalangitan sa buntag nga magresulta sa pagpanaligsik. Anaa sa 9km matag oras ang labing kusog nga huyop sa hangin. Sukod sa temperatura 24-31 °C.
Ang VISAYAS AREA makatagamtam sa 53% chance of rain sa tibook adlaw. Kasarangan padulong sa kusog ang hangin nga muabot sa 36km matag oras. Ang sukod sa temperatura 26-28°C.
Ang Manila NCR Area makasinati sa panagsang pagdag-um sa buntag ug hapon. Sa pagkagabie lauman ang 52% chance of rain. Ang pinakakusog nga huyop sa hangin muabot sa 10km matag otas. Ang sukod sa temperatura 26-31 °C.
Ang adlaw musidlak sa alas alas 5:31 sa buntag, ug musalop unya sa alas 5:41 hapon.
