CAGAYAN DE ORO CITY – Aprobado na sa Department of Agriculture 10 ang hangyo sa pork vendors nga usbawan ang gipalugwang price ceiling sa karneng baboy ning syudad.
Gibutyag ni Larry Paraluma,fficer-in-charge sa Agribusiness Assistance and Marketing Division sa DA-10 nga may nasabutan na sila nga adjustment sa presyo.
Dugang ni Paraluman nga ang liempo anaa na sa P280 matag kilo samtang ang pork chop maoy P265 ang kilo.
Miangal ang pork vendors sa price ceiling giimposar sa DA tungod sa ka-mahal sa ilang komprada niini epekto sa African Swine Fever sa dakbayan.
Samtang wala pa makadawat ang City Economic Enterprises Department o CEED sa sulat nga nagtugot sa adjustment sa price ceiling sa karneng baboy sa dakbayan.
Gibutyag ni acting CEED General Manager Marife Dacoco nga gilauman nilang madawat ning adlawa ang maong adjustment.
Siya miingon nga hinoon kadaghanan sa pork vendors ang nibalik sa pagpamaligya human sa pila ka adlaw nga pork holiday sa Cogon Public Market sa miaging mga adlaw.
Miapelar usab ang CEED nga masabtan sa publiko ang hangyo sa market pork vendors ning syudad.
