CAGAYAN DE ORO CITY, Philippines – Gisaad ni Syrian President Bashar Al Assad nga usbawan ang suhulan sa mga sundalo sa ilang nasud kung subli nilang maabog ang mga nangatake nga rebelde sa Idlib, Aleppo ug Hama.
Namahayag si Abu Mohammed al-Julani, lider sa inilang labing gamhanan nga opposition armed group – Hayat Tahrir al-Sham (HTS) nga nalukop na nilag atake ang Hama, usa sa pinakadakung syudad sa Syria.
Kini ang rason nga daw sama sa Gaza Strip ang nawong sa tolo ka komonidad nga walay undang nga gibombardiyo sa rebelding pundok.
Lakip sa gipi-angan sa grupo ang mga gambala sa gobyerno, merkado, ug hospital.
Una niini, gihagit ni President Al-Assad ang iyang mga sundalo nga subling mupatuman sa sobsob nga pakig-engkwentro sa bag-ong grupo sa rebelde sa tolo ka syudad, sama sa ilang kadaugan sa tuig 2013, kundiin misangpot sa 13 ka tuig ang gubat sibil sa Syria tungod sa pagpangatake sa Al-Qeada linked Rebels sa managlahing probinsya sa Syria.
