CAGAYAN DE ORO CITY – Iduso karong adlawa ni Association of Labor Union-Trade Union Congress of the Philippines o ALU-TUCP president Cong Reymond Mendoza ang petisyon sa usbaw sa suhulan sa Regional Tripartite Wages and Productivity Board o RTWBP-10 alang sa mga mamumu-o nga nakabase dinhi sa rehiyon.
Kini aron dili na magdawatan sa ‘slave wages’ ang mga trabahante.
Gibutyag ni ALU-TUCP Northern Mindanao regional director Nicanor Borja nga panahona nga mangayo’g usbaw ang mga trabahante sa ilang mga employer kay magtulo usab ka tuig nga wala na masundi ang 27 pesos nga usbaw kaniadto dinhi sa rehiyon.
Samtang gihagit ni ALU-TUCP Northern Mindanao Regional Vice Pres Proculo Sarmen RTWPB 10 nga dili lang pang ‘consuelo de bobo’ ang ihatag nga usbaw sa suhulan alang sa mga mamumu-o dinhi sa rehiyon.
Kini tungod kay ang kasamtangangan suhulan sa mga trabahante ang dili igo alang sa matag-pamilya nga panginahanglan.
Gibutyag ni Sarmen nga unta pagbati sa mga pamilyang kabus ang itigbabaw sa RTWPB 10 ug dili ang kahakog ug interes sa pipila ka mga kapitalista sa Northern Mindanao.
Sa pikas bahin,gusto ni City Councilor George Goking,chairman sa trade and commerce committee sa konseho nga e-rebyu ang tanang sugyot sa wage increases nga ipatuman sa syudad.
Siya miingon nga kanunay niya suportahan ang usbaw sa suluhan apan nagtoo usab kini nga daghang mga kompanya ang maglisod epekto sa COVID-19.
Gani,namiligro pa nga dunay “retrenchment” ug cross cutting sa contracrual employees aron tas-an ang suhulan sa mga regular workers.
