Gidayeg ni Presidential Communications Office Undersecretary Claire Castro ang kolumnista nga si Mon Tulfo sa pag-angkon niini nga nasayop siya sa iyang unang post mahitungod kang kanhi House Speaker Martin Romualdez.
Matud ni Castro, ang pag-angkon ni Tulfo kay usa ka professional gesture tungod kay dili man mismo sa iya naggikan ang impormasyon nga iyang gipagawas ug naggikan lamang kini sa iyang gitawag nga “tweety bird.”
Giaghat usab ni Castro ang uban pang nagpakatag sa sayop nga impormasyon batok sa kagamhanan ug sa mga lider niini nga sundogon si Tulfo ug angkonon ang ilang kasaypanan.
Gipasiugda ni Castro nga dili angay nga magmagahi ang mga gapakatag og sayop nga impormasyon kung tul-iron ang ilang mga pahayag. (raniel mahunyag)
.jpg "Usec. Castri, gipamugos nga ang pagpang-apod-apod sa kasamtangang administrasyon sa mga pondo ug hinabang ngadto sa mga LGU kay walay gipihigan")
