Namahayag ang US Geologigal Survey o USGS nga hayan motala sa 10-mil ka tawo ang posibleng namatay sa pagtay-og sa 7.7 magnitude nga linog sa Mandalay City,Myanmar.
Kini tungod sa kakusog sa linog nga miigo sa usa sa pinakakabus nga nasud sa Asya diin dili lig-on ang mga pundasyon sa mga istraktura niini.
Gihimo sa maong US agency ang pahayag epekto sa daghan pa ang missing nga gitoohang nangatabunan sa mga nahugnong mga tag-as nga instraktura.
Una nang apektado usab ang pipila ka bahin sa Thailand tungod sa kakusog sa maong linog.
Hisayrang sobra mil-600 ka tawo na ang kompirmadong namatay ug nilibo usab ang mga samaron nga naluwas sa search,rescue ug retrieval teams sa quake site.
