CAGAYAN DE ORO CITY – Dili lang pagkatangtang sa trabaho sulod sa gobierno apan mag-atubang usab sa kasong kriminal ang faculty member sa University of Science and Technology of the Philippines o USTP-Cagayan de Oro nga nakabase sa Brgy Lapasan ning syudad.
Kini human dismayado rason gihingusgan ni USTP-CdeO Board of Regents member Cong Rufus Rodriguez sa distrito dos sa syudad nga masilotahan si Giovanni Cagurin tungod sa pagsilbing sad-an sa sexual harassments sa tulo ka estudyante.
Miingon si Rodriguez nga dili angayang magdugay ang maong magtutudlo sulod sa unibersidad rason nga gipahamtangan kini’g guilty decision sa Committee on Decorum and Investigation for Student Related Incidents.
Dumduman nga nakit-ang sad-an si Cagurin sa lima ka counts sa grave sexual harassments ug girekomendar nga wad-an sa katungod nga makasulod pa sa trabaho sa gobierno.
Naghulat usab si Rodriguez nga mosang-at sa kasong kriminal ang mga pamilya sa mga estudyante nga giingong biktima sa maong magtutudlo.
