CAGAYAN DE ORO CITY-Gipusil-patay sa wala mailang mga suspek ang presidente sa usa ka unibersidad sulod sa pribadong subdivision diha sa Brgy Calaanan ning syudad kaganihang kadlawon.
Giila ang biktima nga si Dr Ricardo Roturas,48 anyos,minyo 4th time president sa University of Science and Technology of Southern Philippines o USTP nga nagpuyo ning syudad.
Gibutyag sa personal driver sa biktima nga si Jonathan Comodin nga gikan sila pagtambong sa usa ka Mason party dihang pagnaug niini nahitabo ang pagpamusil.
Nahiagom sa unom ka igo pinusilan sa kalibre 45 nga armas ilabina sa ulo hinungdan patay nang midangat sa JR Borja Memorial Hospital.
Si Roturas ang nagsilbi usab nga presidente sa ikaupat nga higayon sa Philippine Association of State University and Colleges o PASUC.
