CAGAYAN DE ORO CITY-Giawhag sa DPWH-10 ang University of Science and Technology of Southern Philippines o USTP nga bayran na sa 99 milyon pesos ang kontraktor nga nagtrabaho sa kontrobersyal nga 8-storey student center diha sa Brgy Lapasan sa syudad.
Kini human mihimo’g inspection ang DPWH sa trabaho sa Wing-An Construction and Devt Corporation diin pasado sa rikisito sa gobierno.
Miingon ni Wing-An president Engr Selwyn Lao nga pagmatood lamang kini nga wala sila nagbinuang sa ilang trabaho sukwahi sa gipamugos sa USTP officials.
Dumduman nga kabahin ang katukuran sa USTP student center nga milugwang teorya nga hinungdan sa pagpusil-patay kaniadto sa ilang presidente nga si Dr Ricardo Rotoras.
Una usab niini,gibutyag ni USTP officer-in-charge Dr Rosalito Quirino nga angay hulaton na lamang sa ni Lao ang pinal nga hukom sa ilang board of regents.
Nasayran nga mismo ang Commission on Higher Education o CHED central office subay sa mando Office of the President sa Pilipinas nga sulbaron ang biki sa balayronon sa USTP ug contractor.
