CAGAYAN DE ORO CITY-Gikondinar karon sa University of the Science and Technology of Southern Philippines o USTP ang pasangil sa Wing-An Construction and Devt Corporation nga adunay hitabong kurapsyon sa katukuran sa ilang student center ning syudad.
Sa sulat-pahayag nga gilugwa sa USTP,kusganon nila nga gihimakak ang pasangil ni Engr Selwyn Lao kinsa presidente sa maong kompanya nga nangayo’g 10 porsiento nga bahin si late USTP president Dr Ricardo Rotoras isip SOP sa proyekto.
Mihimakak usab ang USTP nga sila ang nagpahunong sa maong proyekto sukwahi sa pahayag ni Lao.
Si Rotoras ang giila sa USTP community nga matarong nga tawo hinungdan nga gisaway nila ang pagpangdaot ni Lao ngadto kanila.
Samtang iyagyag ni Lao sa kompanyang Wing-An Construction and Devt Corporation aron matud-an ang iyang alegasyon nga mihimo’g tinunto Rotoras sa gi-patrabaho kaniya nga student center nga balor 200 milyon pesos.
Miingon si Lao nga mismo si detainted Architect Rey Galua ang misulay pagpangayo kaniya apan wala niya kini mahatag tungod sa sobra kadako ug wala nalatid sa kontrata.
Gani,may mga kaso siya nga giduso sa Ombudsman batok Rotoras ug pipila ka opisyal sa USTP.
Una niini,giakusahan ni Lao si Galua nga nagsilbing bagman ni Rotoras sa maong proyekto.
Una niini,gibutyag sa igsoon ni Rotoras nga si Eldie Rotoras nga dili una nila tumpangan ang pasangil ni Lao.
Gipasalig hinoon niini nga tubagon nila ang espose ni Lao sa oras nga magka-estorya na sila sa usab abogado.
