CAGAYAN DE ORO CITY – Giila sa city prosecutor’s office nga nasubay sa legalidad ang mga aksyon nga gipatuman ni Cagayan de Oro Water District o COWD General Manager Engr Edna Najeal alang sa mga kalihukan nga nag-sentro sa serbisyo-publiko sa sistemang panubig sa dakbayan.
Kini human gibasura sa piskalya ang kasong usurpartion of authority ug usurpation of official functions nga unang giduso ni COWD Interim General Manager Fermin Jarales batok kang Najeal ning syudad.
Miingon ang abogado ni Najeal nga si Atty Rhobert Maestre nga nagpakita lamang kini nga ensakto ang ilang gibarugan sa pagsupak sa nahimong lakang sa LWUA diin illegal nga nag-instolar kang Jarales ug interim board of directors aron manginlabot sa internal nga kalihukan sa maong ahensiya.
Dugtong niini,bukas ang mga mikropono sa Bombo Radyo alang sa ipalanog usab nga reaksyon ni Jarales kabahin sa maong isyu.
