Ning-abot na sa rekord-high ₱17.708 trilyon ang kinatibuk-ang utang sa gobyerno sa Pilipinas sa pagtapos sa tuig 2025. Mas taas kini nga kantidad itande sa target sa gobyerno.
Sumala sa Bureau of the Treasury, ang pagsaka nagsumikad sa mas daghang hinulaman nga nga salapi gamit ang “strategic net issuance” sa mga debt instrument aron pondohan ang mga programa sa gobyerno.
Midugang pa niini ang epekto sa paghuyang sa piso batok sa dolyar ug ubang foreign currencies.
Subay sa ahensya, misaka sa 10.32% ang outstanding debt sa National Government gikan sa ₱16.05 trilyon niadtong 2024. Kini mas taas sa dul-an 2% itande sa gilauman nga ₱17.36 trilyon sa pagtapos sa tuig.
Kon itande ang datos sa Nobyembre, aduna usab dyutay nga pagtubo sa 0.34% ang utang sa nasud gikan sa ₱17.65 trilyon.
