CAGAYAN DE ORO CITY, Philippines – Mitubo sa 1.63% ang utang sa gobyerno sa Pilipinas sa hinapos nga semana sa Enero 2025.
Namahayag ang Bureau of Treasury (BTr) nga misaka pa sa P16.31 trilyon ang kasamtangang utang sa nasud, itandi sa P261.47 bilyon niadtong Disyembre 2024.
Kuyog sa pagsaka sa utang, mi-usbaw usab ang kantidad sa dollar-denominated loans tungod sa paghuyang sa bili sa piso.
Subay sa datos, ang piso mihagsa sa P58.375 sa Enero gikan sa P57.847 sa pagtapos sa tuig 2024.
Sa kinatibuk-an, misaka pa sa 67.9% ang domestic debt, itandi sa 32.1% sa foreign debt sa nasud.
Human sa Enero, misaka ang utang sa Pilipinas sa P11.08 trilyon, samtang misaka usab ang utang sa Pilipinas sa ubang kanasuran sa P5.23 trilyon.
Taliwala sa kadaku sa utang sa gobyerno, gihupay sa BTr nga manageable pa gihapon ang utang sa gobyerno, tungod kay mihaum ang mga programa sa gitarget nga mga kalambuan sa administrasyon ni Presidente Ferdinand Marcos Jr
